anipassion.com
Partagez
Aller en bas
avatar
Admin
Féminin Messages : 514
Points : 2641
Réputation : 0
Date d'inscription : 16/04/2018
Voir le profil de l'utilisateurhttp://xn--libertypass-lbb.forumactif.com

Dinar Tunisien

le Jeu 2 Aoû - 16:29
مالمطلوب من الحكومة انها تعملو ؟ 

و شكون قال الي تحكي فيه موش مقصود من طرف الحكومة و تابع استراجيتها ؟ 


تبعني مليح 

الدينار التونسي من ايام بن علي مدعم من البنك المركزي و قيمته المصرفية "مغشوشة" 

يعني البنك المركزي يمشي يتسلف قروض بالعملة الصعبة باش يبيعها للعموم بالخسارة مقابل الدينار للتحكم فيه 

حاليا الي يصير هو الشي المنطقي و السليم و الي هو تقليل الدعم في انتظار رفعه نهائي 

قيمة الدينار تعكس اقتصادنا و تعكس وضعنا و من الغباء تغطية عين الشمس بالغربال كيما ايام بن علي و هانا واحلين في القروض متاعو 

الحل تحرير الدينار و هو جهده و قيمته تحددها الصادرات مقابل الواردات 

ما علينا كان نخدموا اكثر و نقيو اقتصادنا و صادراتنا 


بالنسبة لغلاء الاسعار 

السعر يحدده قانون السوق : قانون العرض والطلب 

احنا انتاجنا طاح برشا و طلباتنا طلعت لذلك ميزان العرض و الطلب اختل


ناخذ مثال الوراطة 

تصور صياد يهبط بصندق وراطة للمرشي و يكتب الكيلو بي 8 دينارات 

شنوا تكون النتيجة ؟ 

النتيجة باش تلقى عباد ملهوفة و زحمة و صف و دزني و ندزك و صراع من اجل ضمان كيلو وراطة 

يعني صندوق فيه 20 كيلو (العرض) تلقى قدامو صف عباد 50 كيلو (الطلب) 

الصياد لهنا باش يطلع السوم باش العباد تنقص عليه و الزحمة تقل و يقعد يطلع يطلع حتى لين يوصل يلقى طلب بي 20 كيلو الي عندو قد العرض متاعو 


هذا تبسيط لقانون السوق كيفاش يخدم اوتوماتيكيا 

الحكومة لهنا اش عملت ؟ 

ما نجمتش تزيد في العرض (تزيد الانتاج) ، حبت تنقص في الطلب اي تفقّر الناس و ما تخليش عندها فلوس كافية باش تشري و هكاكا السوم يطيح كي مفماش شكون يشري 

الحكومة طلعت في الفائدة المديرية للبنك المركزي ، باش الناس تنقص من القروض الاستهلاكية 

يعني تحب تشري الوراطة ، ما تاخذش قرض باش تشريها ، بل تخدم على روحك و تنتج و تعمل فلوس باش تمشي تشريها 

ختاما باش نقدموا لازم كل واحد ينهض بروحو و ننقصوا شوي من خطاب التشاؤم و الظلامية و التنبير الزايد و السب بدون موجب 

اليوم ما تسمع كان فساد و سراق و بيه و عليه 

الناس الكل فقدت الثقة في بعضها و الكلها تقحتر و تتشوحر لبعضها 

اليوم الناتج الداخلي الخام متاعنا منهار و تقريبا انتاجيتنا في الصفر و ما اقتصادنا سوى انعكاس لخدمتنا و للانتاجية متاعنا 

و زمن الحلول الترقيعية المغالطة للواقع قد ولى و اليوم الحقيقة عارية و ما علينا سوى مواجهتها بدون مساحيق تجميل
Revenir en haut
Sujets similaires
Permission de ce forum:
Vous ne pouvez pas répondre aux sujets dans ce forum